تصدر فيديو لسيدة تدعي عزة الفقي حديث الجمهور على السوشيال ميديا كشفت خلاله عن تفاصيل أزمتها مع أسرة الفنانة هنا الزاهد ووالدتها شيرين المنزلاوي أثناء تأجيرهم لمنزلها في إحدى المجمعات السكنية بمدينة 6 أكتوبر.
ونشرت السيدة فيديو لها عبر فيسبوك توضح فيه كواليس الأزمة والتي بدأت باستئجار أسرة هنا الزاهد منزلها وتأخير الإيجار ومنها برفضهم تسليم المنزل بعد انتهاء فترة العقد وحتى إحداث تلفيات به عند تركه.
وبدأت السيدة حديثها قائلة :«مساء الخير أنا بعمل الفيديو ده علشان أحكي حكاية عن أسرة في مصر حطيت شقى عمرها في بيت في كومبوند مشهور في 6 أكتوبر على أساس إنهم بيبنوه وهيسكنوا فيه هو وأولادهم».
وتابعت:« خلصوا المباني وابتدوا يحضروا إنهم يسكنوا.. لكن سافروا قبل ما يسكنوا في المكان لأن الزوج حاله شغل برة مصر».
وكشفت السيدة عن بداية تفاصيل الأزمة قائلة: «في يوم جت مكالمة للزوج من سيدة اسمها شيرين المنزلاوي قالت إنها عايزة تأجر البيت فالزوج اعتذرلها وقالها مش بنفكر نأجر لأننا مش ضامنين شغلنا اللي برة ده هيخلص امتى وممكن نحتاج البيت».
واشارت السيدة أنه بعد رفضهم تواصل الفنان الراحل طلعت زكريا مع زوجها لإقناعه بتأجير المنزل لهم على ضمانته الشخصية وبالفعل تم تأجير المنزل للسيدة شيرين المنزلاوي والدة الفنانة هنا الزاهد لمدة 3 سنوات.
ورغم تأخير أسرة هنا الزاهد في دفع الإيجار أحيانا بسبب ظروف العمل إلا أن الأزمة الحقيقة بدأت مع عودة السيدة وأسرتها إلى مصر ومطالبتهم بإنهاء الإيجار.
وأوضحت السيدة قائلة:« لما كلمناهم إنهم يرجعولنا البيت لما رجعنا مصر رفضوا وقولنالهم دا بيتنا ومضطرين نرجع البيت وإحنا مأجرين أغلى من اللي بتدفعوه» مضيفة:«شيرين ردت عليا وقالت ألفاظ بشعة وقالت إحنا مش خارجين وأعلى ما في خيلكم اركبوه».
وتطورت تفاصيل الازمة برفع السيدة دعوى قضائية ضد أسرة الفنانة هنا الزاهد وبالفعل حكمت المحكمة بإلزامهم ترك المنزل وأستمرت الأزمة بعد خروجهم باكتشاف السيدة الكثير من التلفيات.
قائلة :«دخلنا البيت لقينا تلفيات رهيبة يعني مش عايزة أقول إن الأحواض وجرانيت المطبخ اتاخد مش عارفة إزاي ورفعنا قضية تانية بالتلفيات والقضاء نصفنا وادانا حقنا ومعانا حكم محكمة من فبراير 2024 مش عارفين ننفذه مش عارفين نستدل لهم على عنوان.. لا عن طريق محاميهم ولا عن طريق الوساطة».
وشنت السيدة هجوما على الفنانة هنا الزاهد وأسرتها قائلة :«شيرين المنزلاوي أهانت جوزي وإدت السماعة لهنا قالت له أنت موت أبونا وجاي تموت أمنا وأنا مش عارفة هي إزاي تقول كده وهي عارفة إن عليهم فلوس ومخالفات».
اختتمت حديثها : «ومستغربة لما شفت لقاء تلفزيوني لهنا الزاهد شكيت في نفسي وقولت بيروحوا يناموا على المخدة إزاي وعندهم كام وش.. ومش عارفة هما إزاي ورا الكاميرا ناس تانية كده.. وإحنا مصممين على حقنا وفيه محضر بيلزمها بإصلاح التلفيات».
