أحمد السقا يعلق على الفيديو المثير لـ محمد صلاح

علق الفنان أحمد السقا على الجدل المثار مؤخرًا بخصوص رسالته المصورة الذي وجهها تضامنًا مع لاعب ليفربول محمد صلاح بسبب أزمته الأخيرة مع النادي.

وقال أحمد السقا في تصريحات تيلفزيونية ” كنبت بلبس علشان أروح فرح بنت محمدهنيدي تصفحت التليفون لقيت صورة لمحمد صلاح وكان بيبكي فصِعب عليّ جدا.. أخدتني الجلالة وطلعت عز الدين أيبك اللي جوايا، وعملت فيديو لدعم أخويا محمد صلاح اللي مشرفنا”.

وتابع” نت بحمِّس محمد صلاح واخترت أوجِّه رسالة باللغة الإنجليزية علشان وسائل الإعلام هناك بتكتب عننا”.

وأكمل” واستخدمت أعلى مصطلح علشان أوصلهم إن اللي بيتكلم على أعلى قدر من الدراية والعلم وإن اللي بتعملوه مع صلاح هيخسر ليفربول جماهير كتيرة في العالم العربي”.

واستمر”ربما خانتني بعض الألفاظ لكني لم أخطأ في لفظ كوتش فهو مصطلح نستخدمه في مصر لكن يبدو أنه في الغرب يفهم بمعنى تاني وكان حديثي بحسن نية وربنا مطلع على القلوب”.

وشدد” الفيديو اللي قلته باللغة الإنجليزية فضل 55 دقيقة والفيديو اللي كان باللغة العربية كان 6 ساعات.. ومش أنا اللي حذفت الفيديو وأنا مش بعمل حاجة غلط ولا بجري في خناقة”.

وعن شعوره بالإحباط من المصريين والعرب أفاد ” أول ما الفيديو العربي اتعرض كانت ردود الفعل إيجابية باستثناء بعض الناس اللي دخلت السياسة في الدين وفي غزة”.