عبّر
الفنان محمود عامر عن حبه الشديد لزوجته الدكتورة رشا مجدي، إذ يقضيان حاليًا شهر العسل
في الغردقة، بعدما تزوجا قبل بضعة أيام، لتكون الزيجة الثانية في حياة محمود عامر،
بعد انفصاله عن الفنانة لاشينة لاشين.
وقال
محمود عامر في تصريحات له، ربنا كتبلي أكتب كتابي وزفافي يوم 10 اللي فات، عزمت حوالي
65 أو 70 شخص مقرب، والدنيا اتقلبت.
وأضاف:
اليومين اللي جايين مش عارف أقعد مع نفسي ومعاها ولكن بعتبر محبة الناس منحة من ربنا؛
لأن الحب ده نعمة، دي ترتيبات من عند ربنا؛ لأن مجموعة أشياء تراكمت ودخلت جوا تجويف
القلب.. ومعظم الناس عارفين إني مريت بظروف نفسية نتيجة أشياء مش مجالها نتكلم عنها
دلوقتي، وصلت بيا الحكاية إني تعبان نفسيا وفجأة كان فيه أسرة وحياة وراحت في الوباء
واتأثرت.. أنا إنسان.
وأردف
محمود عامر: بالصدفة، التقيت برشا وهي متخصصة في الصحة النفسية فبتسلم عليا كأي حد
وسألتني مالك، ومن هنا جات الفضفضة وأعقبها نوع من أنواع الطبطبة وهي فاهمة ومجربة
الحالات بتاعتي وربنا إدى الإذن للقلب ينبض، فعلًا عوض ربنا للبني آدم كبير جدًا لم
أكن أتصور أن لدي القدرة إني أعيد تجربة تاني أو يحصل توافق مع إنسانة تانية.
